<?xml version="1.0" encoding="UTF-8"?><song><title>عايز أحبك بجد</title>
<lyrics>[V1]
 1-عايز أحبك مش بس بالقول والكلام
 ولا يبقى في قلبي حد أبقى لك بالتمام
 داأنا ياما قلت إني بحبك وقلبي مش معاك
 وياما شهدت عن حبك والفكر بعيد هناك
 2-عايز أرنم وأعيش كل الكلام اللي أقوله
 والفرحه ما تنتهيش في الغربة الليل بطوله
 دا أنا ياما هتفت بلساني وقلبي بينزف دموع
 والضعف في قلبي قساني وعشش بين ضلوعي
 3-عايز أدوب في الكتاب وأعيش بين السطور
 وأرتاح أنا من عذاب البعد والفتور
 دا أنا ياما قريته بعيني وما عشتش باللي فيه
 وياما مسكته بأيدي وما حستش قلبي بيه</lyrics>
<hymn_number>6906</hymn_number>
<author>باسم شكري, باسم شكري</author>
</song>